Премиерот Димитар Ковачевски запрашан како оди бизнисот со фотоволтаици на неговата сопруга за кој „А1он“ објави претходно, рече дека обновливите извори на енергија се нешто што како тие како Влада го поттикнале и дал резултати после една година.
Наместо со одговор на новинарско прашање за неговиот семеен бизнис Ковачевски му се обрати на лидерот на ВМРО-ДПМНЕ, Христијан Мицкоски.
Обновливи извори на енергија се нешто што како Влада го поттикнавме и резултатите се 182 мегаварти инсталиран капацитет за една година. Би му порачал на лидерот на опозицијата дека секогаш ја промашува работата како што ја промаши во јануари дека ќе има парламентарно мнозинство, се што јас и моето семејство имаме е пријавено во анкетен лист, во сите институции. Да, тоа е иднината, не само во обновливите извори. Ние сме едни од лидерите во регионот на обновливи извори на енергија. Цел еден блок на РЕК Битола може да биде заменет во моментов со енергијата од фотоволтаиците – рече премиерот.
