Шефот за надворешна политика на Европската унија Жозеф Борел даде изјава по денешниот маратонски дојалог меѓу Белград и Приштина во Охрид со посредство на ЕУ. Оба беше уште еден обид да се намалат децениските тензии меѓу двата соседа.
Тој изјави дека Приштина се согласила веднаш да ги спроведе договорите со европските партнери што ќе доведат до одредена самоуправа за српската заедница.
Борел, вечерва во Охрид изјави дека по 12 часа разговори Србија и Косово постигнале договор за Анексот за имплементација на Договорот за патот за нормализирање на односите меѓу Косово и Србија.
„КОНЕЧНО, ПО 12 ЧАСА ИМАМЕ ДОГОВОР КАКО ДА ГО СПРОВЕДЕМЕ ДОГОВОРОТ ШТО СРБИЈА И КОСОВО ГО ПОСТИГНАА НА 27 ФЕВРУАРИ ВО БРИСЕЛ“, ИСТАКНА ВИСОКИОТ ПРЕТСТАВНИК НА ЕУ ЗА НАДВОРЕШНА И БЕЗБЕДНОСНА ПОЛИТИКА.
Тој додаде дека не се работи само за Косово и Србија, туку и за мирот, безбедноста и просперитетот на целиот регион.
„КОСОВО И СРБИЈА МОРА ДА ГИ НОРМАЛИЗИРААТ ОДНОСИТЕ, НЕМА ДРУГ НАЧИН“, ДОДАДЕ ТОЈ.
Тој посочи дека на средбата било разговарано како и кога ќе се имплементира веќе договореното на претходната средба.
