Поради постоење основи на сомнение за сторено кривично дело тероризам, утрово во 10 часот во координирана акција на БИА и МВР во Србија е уапсен Армин Алибашиќ, екстремен следбеник на вахабизмот од Нови Пазар, дознаваат српски “Новости”.
Според нивните сознанија, Алибашиќ е уапсен по неговата објава на социјалната мрежа „Фејсбук“ во текот на претходните денови, во која истакна дека „понекогаш е потребно да се земе правдата во свои раце“. Покрај тоа, тој изјави дека „ навистина има сила во пукањето.““, објавувајќи во прилог видео од него како користи огнено оружје на стрелиште во Белград.
