Еден од најголемите бугарски бизнисмени, Алексеј Петров, е убиен во населбата „Драгалевци“ во главниот град во близина на жичницата на планината Витоша, објавија бугарските медиуми. Веста официјално ја потврдија од МВР. Според полицијата, делото било пријавено околу 12 часот и 20 минути по локално време. На местото на настанот биле испратени екипи кои пронашле безживотно тело на маж и една ранета жена.
<
Петров беше еден од ретките големи бизнисмени во Бугарија кои ги преживеаја транзициските години. Според неофицијални информации на БНР, тој бил застрелан со пушка. Во текот на изминатите две децении, беа организирани бројни неуспешни обиди за атентат против Алексеј Петров.
