Крива Паланка се уште е под окупација на крави, иако имаше најави дека ќе се ангажираат и припадници на Армијата на Република Македонија за справување со кравите.
Претходно градоначалникот на Крива Паланка, Сашко Митовски, заедно со граѓани на Крива Паланка излезе на прес-конференција на која обвини за нехумано третирање на животните и побара надлежните да реагираат.
– Државата и институциите мора да ги почитуваат законите и да ги спроведуваат во целост. Решенијата кои ги носи одредена институција мора да ги спроведува во целост. Пред точно една година на 05.03.2024 година Комисијата за одлучување по прекршоци при АХВ по извршениот вонреден инспекциски надзор кој констатирал дека не се обезбедени соодветни услови за чување на животните.
АХЦ вели дека за лицата се изрекува посебна мерка одземање на животните, објасни градоначалникот Митовски кој додаде дека Решенијата се извршни и правосилни, но прашање е зошто не се постапува по истите.
– Уште колку граѓаните на Крива Паланка ќе трпат штета? – праша градоначалникот кој истакна дека граѓаните се заложници на семејство кое се претставува како чесни земјоделци и сточари, но врши тортура на животните.
Градоначалникот истакна дека покрај штетите на приватен имот и земјоделски површини, има и повреди на луѓе и регистрирано е загадување на водата поради удавени говеда.
Граѓанка на Крива Паланка кажа дека едно од говедата ѝ скршило рака, а еден од сопствениците ѝ се заканил дека ќе ја убие ако го пријави.
– Не можеме да спиеме, немаме мир, истакна граѓанка.
Сведоштво сподели и друг граѓанин кој, како што кажа, од добитокот му бил уништен 7 декари земјоделска површина со земјоделски производи, а како што вели сопственикот му рекол дека никој ништо не им може.
