21 C
Ohrid
вторник, септември 22, 2020
Почетна Македонија ВИДЕО – Иконостасот во црквата Свето Благовештение во Прилеп може да се...

ВИДЕО – Иконостасот во црквата Свето Благовештение во Прилеп може да се урне, државата со години не превзема ништо

Translate (Eng):[gtranslate]

Се распаѓа еден од највредните иконостаси во Македонија, стар 174 години, во црквата Свето Благовештение во Прилеп. Според експертите тој е трет по вредност во Македонија после оној во Бигорскиот манастир и црквата Свети Спас во Скопје, а го изработила тајфата на познатиот  копаничар Петре Филипоски – Гарката. Оваа катастрофална сотојба е со децении. Носечките столбови на иконостасот се испукани и изедени од црвојадина. Дел од помалите икони кои се на него се тотално уништени, а уникатните резби секој ден стануваат се пооштетени од забот на времето. Свештениците велат дека постои опасност ова непроценливо културно наследство да се урне во секој момент.

 

РЕКЛАМА

 

Иконостасот може и да падне, не дај Боже ќе изгубине нешто непроценлииво, а ќе изгубиме и човечки животи, ако пак велам не дај Боже дојде до тоа. Треба што поскоро да се превземе нешто. Постојано се интервениира до Музејот и сега се останува до нив. Некои луѓе мислат дека е до нас како црква но не е, ние би вложиле би го направиле, но не смееме тој е под заштита на државата“, рече протоереј Илчо Смилески, старешина на црквата „Свето Благовештение“.

 

Митрополитот Петар денеска ја повика државата и Министертсвото за култура да интервенираат најитно што можат.

 

Знаеме ние дека се трошат пари за 300 други несоодветни работи во нашето општество, за разни измислени фестивали или незнам што, а за ова пак ќе повторам е жалосно што државата, општеството и нашата нација немаат слух“, истакна Митрополитот Преспанско Пелагониски, Петар.

 

Подолг период веќе пааѓат цели делови од икостасот, а свештениците ги собираат и ги чуваат во посебна просторија со надеж дека тие еден ден повторно ќе бидат вратени на иконостасот со неговата конзервација .

 

Од Заводот и музеј Прилеп велат дека иако оваа година Министерството за култура повторно го одбило проектот за конзервација на иконостасот тие ќе најделе сили за да конечно започнат истражувачки работи и проект за заштита на ова непроценливо културно наследство.

ИНФО КОМПАС.

- Реклами -