По безмалку 60 години, Штип ќе добие нов мост на Брегалница. Релативно поволните временски услови во овој период од годината, овозможуваат финалните работи да не губат од потребното темпо:
„Од 20-ти јануари веќе имаме создадени услови за да продолжат активностите со цел да се изградат крилните ѕидови, да се направат оградите на мостот, да се дотампонира и доасфалтира. Значи ова се неколку операции што можат релативно брзо да се реализираат“, изјави Благој Бочварски, градоначалник на о. Штип.
Мостот е дел од капиталниот проект обиколница вреден еден милион евра. Оптимизмот, дека времето ќе е сојузник на градежниците, наложува кратење на временските рокови за предвремено завршување на изградбата.
„Мостот се работи со предвидената динамика и наскоро ќе биде пуштен во употреба“, најави Бочварски
Без потпорни столбови, само со челичен носечки лак, четвртиот мост на Брегалница е единствен од ваков вид во Македонија. Тежината му е 240 тони, должина од 60, широк десет метри, со две коловозни ленти и тротоари за пешаците.
Истиот значително ќе ја растовари сообраќајната турканица во Штип, особено во утринските и пладневни шпицови, поврзувајќи ја индустриската зона со населбите Пребег, Баби, Сењак и Дузлак.
Ова го има само кај нас: После 60 години Штипјани ќе добијат мост кај реката Брегалница.
ПОВРЗАНИ СТАТИИ
