Трагедија се случила утрово околу 10 часот во куќа во кумановското село Романовце откако експлодирала плинска боца.
<
Првичните информации од МВР се дека на лице место загинале три лица, а други шест со повреди завршиле во болницата во Куманово. Дел од повредените, поради сериозноста на повредите се префрлени на скопските Клиники.
Во моментов увид на терен вршат јавен обвинител и екипа од СВР-Куманово.
Репортерот на „360 степени“ од Романовце јавува дека жителите на селото велат дека тројцата загинати во експлозијата на плинска боца се малолетници. Засега нема официјална потврда на оваа информација.
