18.1 C
Ohrid
сабота, септември 19, 2020
Почетна Македонија Охрид Охрид преплавен од туристи: Охриѓани мака си мачат со туристите кои не...

Охрид преплавен од туристи: Охриѓани мака си мачат со туристите кои не носат маска, а тоа се гостите од Србија и Бугарија..

Translate (Eng):[gtranslate]

Охрид деновиве е преплавен од огромен број туристи. Најмногубројни се од Скопје, но, како што велат самите охриѓани, тие се практично дома зошто таму имаат свои куќи и станови, па дури и не ги сметаат за турист. Најмногубројни од странските, се дојдени од Србија и од Бугарија, но во разговор за Фактор, епидемиологот од Центарот за Јавно здравје Охрид, д-р. Јованка Коровешовска вели дека тие се крајно недисциплинирани, бидејќи ниту во хотелите каде што претстојуваат, ниту пак надвор од нив, не ги почитуваат здравствените протоколи.

-Сè е џабе кога келнерите, собарките, целиот персонал во хотелот ги почитува мерките за заштита, кога гостите не се однесуваат според утврдените протоколи. Ги опоменуваат, по сто пати им укажуваат дека мора да ги носта маските, но без успех. И покрај она познато правило дека гостинот е секогаш во право, во овој случај, во време на епидемија кога се обидуваме со сите сили да го намалиме бројот на заразените, да ја сузбиеме болеста, не се во право. Имав еден случај со двајца Бугари, кои пред да си одат мораа да направат ковид-тест. Резултатите покажаа дека се позитивни, што да се направи повеќе не знам. Па потоа, мораше да ги бараме нивните контакти, каде се се движеле, за да спречиме ширење на заразата, вели д-р. Коровешовска.

Таа појаснува дека бугарските туристи пред да се вратат во матичната земја, кога доаѓаат од земја со висок ризик, како што е Македонија во моментов, мора да имаат ПСР тестови. Доколку се покаже дека се позитивни, како што вели, во својата земја одат во задолжителен карантин.

РЕКЛАМА

-Со полициска придружба ги испраќаме до граница, а оттаму ги преземаат нивните служби. За да се вратат назад мора да се тестираат, а за да дојдат тука не им треба корона-тест. Лично, како епидемиолог сметам дека секој што сака да престојува во Македонија мора да дојде со негативен тест. Таков е случајот со Србија и добро е што е така, зошто тука тие туристи воопшто не водат сметка за носење маски. Нивните резултати ми стигнуваат на мејл и имаме увид, но со самото тоа што не ги почитуваат протоколите, претставуваат ризик и за себе и за другите, појаснува д-р. Коровешовска.

Денеска во Охрид и во Струга има пет случаи позитивни на корона вирусот, но се уште не се стигнати резултатите од ниту една приватна лабораторија, заради што д-р. Коровешовска очекува бројот да биде и поголем.

А.Б. Фактор

- Реклами -