Од вчера започна новогодишното украсување на градот Скопје. И покрај реакциите на граѓаните кои му порачаа на градоначалникот Петре Шилегов парите за украсувањето да ги пренамени за други потреби, сепак, градоначалникот најави дека градот ќе биде украсен, а дека оваа година ќе нема „Винтерленд“ и новогодишниот дочек на плоштадот, објави ТВ21.
И покрај кризата со ковид-19, Шилегов рече дека не се откажува од празнична, новогодишна атмосфера.
Годинава на нашите дечиња им е одземено многу, детството, училишната година, играта со другарчињата, радоста. Сметам дека во оваа тешка година и мрачно време во коешто живееме, не треба на светол момент како што е Нова година да останеме неми. Немаме право да го направиме тоа, немаме право да им ја одземе надежта и радоста на граѓаните и децата – вели градоначалникот Шилегов.
Новогодишното украсување годинава ќе чини 200.000 евра.
