На денот кога е објавено дека министерството што го води издало 200 пасоши на
шефови и членови на нарко картели од Балканот, министерот Оливер Спасовски
објавува фотографии и текст за реконструкција на полициски објект во Дојран.
Меѓу фотографиите особено се истакнуваат две, една од стара отворена и една од
нова затворена “Веце шоља”.
“Целосно саниран и реконструиран објектот на ПО Дојран кој беше доста
амортизиран и во оштетена состојба.
Целосно санирана кровната конструкција
Нова термоизолациона фасада со акрилен завршеток на целиот објектот и
инсталирано ново парно греење.
Заменета електрична инсталација, санирани и обновени санитарни јазли
Градежни работи надворешно и внатрешно во самиот објект
Нашата обврска и зацртана цел – подобрување на условите на работа на сите
полициски службеници и, генерално, во самото министерство во целина –
продолжува да се реализира и остварува”, напишал утрово шефот на МВР
Спасовски.
