На новинарско прашање дали поранешниот премиер и азилант Никола Груевски некогаш ќе биде екстрадиран во земјава, министерот за внатрешни работи, Оливер Спасовски вели дека тој ќе сноси одговорност за се што сторил лошо на оваа земја.
„Оваа година истекува политичкиот азил на Груевски. Ние уште во септември направивме посебна оперативна акција за пронаоѓање на бегалци. За 4 месеци се фатени 400 по кои што имаше меѓународни потерници. Од топ 20 приоритети, досега фативме петмина. МВР работи на случаите, имаме контакти и со Унгарското министерството за внатрешни работи од самиот момент во врска со случајот на Груевски. Нема бегство од правдата никогаш“, изјави вечерва Спасовски за „Клик плус“.
Тој истакна дека само денеска МВР имало две апсења и две заплени на дрога во значајни количин, едната во Кавадарци и едната во Кичево.
„Апсења на дилери на дрога, се работи за кокаин и хероин. Постојано имаме жесток одговор против криминалните структури и тоа е успехот“, соопшти министерот.
