Нова маса со клупи за шах поставена во паркот кај Јени Џамија во Битола, која е донација на ИутеКредит Македонија филијала Битола, е замена за постоечката стара клупа за друштвени игри
Првата партија шах ја одиграа градоначалничката Наташа Петровска и директорката за корисничко искуство од ИутеКредит Македонија Елена Глигоровска, објави телевизија Тера.
Претставниците на Иутекредит Македонија посочија дека ваквиот вид на донации го работат заедно со Пакомак, со цел да се испрати еко порака за селектирање на отпадот.
– Во животот убавите нешта лежат во едноставните работи. Кога зборуваме за урбаната средина, не се важни само големите инфраструктурни зафати. Битно се и ваквите елементи кои што му даваат душа на се друго што правите – рече градоначалничката Петровска.
