Верниците од исламска вероисповед денеска го слават празникот Курбан бајрам.
На првиот ден од празникот се изведува молитвата за Бајрам – Бајрам намаз, со која верниците бараат милост од Алах. Карактеристично за овој празник е принесувањето жртва – курбан која има симболика на приближување кон Бога. Како курбан најчесто се принесуваат овни или телиња.
Обичајот го изведуваат сите кои имаат можност за тоа. Оние кои принеле жртва, потоа од месото раздаваат на сиромашните, соседите и роднините.
РЕКЛАМА
Со овој празник се крунисува аџилакот, кој важи за петти темел на исламот, кој е доказ за солидарност и благосостојба.
Денешниот ден е неработен ден за граѓаните од муслиманската вероисповед во Република Северна Македонија.
