Премиерот Зоран Заев со апел до граѓаните да бидат крајно внимателно и да ги почитуваат постоечките но и новите мерки за заштита од ковид 19. Тој ги повика надлежните инспекциски служби да ги интензивираат контролите со цел нивна стриктна примена и почитување.
Премиерот Заев на својот фб профил целосно ги објави и новите мерки за заштита на населението од КОВИД-19 и спречување на неговото ширење.
Од 16 август 2021 година се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид објект на отворено, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани) на отворено. Мерката се однесува на лица над 18 годишна возраст, стои во текстот објавен на фб профилот.
Другите мерки се:
– До 15 август, сите угостителски објекти регистрирани за прослави смеат да работат на затворено, само со почитување на КОВИД-19 мерките, со исполнетост до 40% од капацитетот и најмногу 250 гости.
-За ноќните клубови (дискотеки), кабареа, барови останува забраната за работа во затворениот дел од објектот. Дозволено е да работи отворениот дел (тераси) со 50% од капацитетот на просторот и ограничен број на посетители до најмногу 1.000 посетители.
-Од 16 август целосно се забранува работа и организација на секаков вид настани на затворено во сите угостителски објекти (и во кафетереии), вклучително и прослави во угостителски објекти регистрирани за прослави или друг тип објекти од затворен тип.
Заев: Апелирам до граѓаните да ги почитуваат мерките за заштита од ковид 19
ПОВРЗАНИ СТАТИИ
