Од денеска, согласно одлуката на Владата за влез и излез од државава е потребен негативен ПЦР тест доколку не сте вакцинирани и немате Ковид сертификат. Но, на самите граници нема да има тестирање, така што граѓаните кои сакаат да излезат или да се вратат во земјава, ќе мора да си направат тест во некоја лабораторија.
Од Владата појаснуваат дека ПЦР тестот е документ кој се бара и во други држави, па граѓаните мора да го имаат и дека тоа не претставува дополнителен трошок за граѓание.
-Сите мерки кој ги носи Владата на Република Северна Македонија се по препорака на Комисијата за заразни болести. Овие документи треба да се приложат при излез од нашата држава. Секој граѓанин кој планира да излезе од државата и да патува и во големиот дел на европските држави и светски треба да ги приложи истите документи, сертификат за вакцинација две дози и ПЦР негативен 72 часа., изјави Хоџа.
