Денес во големата сала на Општина Охрид, кандидатите за градоначалници на Општина Охрид потпишаа Кодекс за фер и демократски избори. Претседателката на Општинската изборна комисија Антигона Сионов на денешното потпишување порачаа дека посакуваат успешна кампања и мирни и фер избори.
Кандидатот на коалиција предводена од ВМРО-ДПМНЕ Кирил Пецаков порача дека очекува позитивна кампања,достоинствено онака како што Охрид заслужува.
„Тоа што ќе се случува во наредните 21 ден се надевам ќе се позитивни проекти, позитивна кампања и нешто што ќе го направи животот на охриѓани во секаква смисла на зборот ќе преовлада во оваа кампања“ ќе истакне Кирил Пецаков.
Кандидатот од СДСМ и Коалицијата Најдоброто за мојата општина,актуелен градоначалник на Охрид Константин Георгиески ќе истакне:
„Чест и задоволство е што уште еднаш го потпишуваме Кодексот за фер и демократски избори, се надевам дека кампањата ќе помине во најдобар ред, повикувам граѓаните да излезат и да го искористат своето граѓанско право“.
