17.9 C
Ohrid
четврток, јуни 20, 2024
ПочетнаМакедонијаЧленови на ВМРО ДПМНЕ во Битола од ден за ден се повеќе...

Членови на ВМРО ДПМНЕ во Битола од ден за ден се повеќе покажуваат интерес за програмата на кандидатот за градоначалник на СДСМ, Христо Кондовски.

ВМРО ДПМНЕ во Битола е во паника, откако се поголем дел од нивното членство покажува интерес за програмата на кандидатот на СДСМ за градоначалник на Општина Битола, Христо Кондовски.

Ова го дознаваме од свои извори во ВМРО ДПМНЕ- Битола, кои велат дека откако Кондовски пред битолчани настапил со голем број проекти кои нудат решенија токму така како што бараат граѓаните, се поголем дел од членството на ВМРО ДПМНЕ се интересира за неговата програма. Тие особено се вознемириле откако сондажите на терен почнале да им покажуваат дека и нивни членови се подготвуваат за гласаат за Кондовски токму затоа што настапува со програмат со конкретни проекти.

Чувствувајќи дека го губат теренот, од изборниот штаб на ВМРО ДПМНЕ Битола во последните денови ставаат акцент токму на програмата на Кондовски обидувајќи се да го оцрнат пред јавноста, што сепак тешко им оди откако Кондовски прецизно ги презентира своите проекти и идеи пред граѓаните, а интересот на битолчани од ден на ден се повеќе расте.

Воедно, Кондовски на смирен и елоквентен начин токму со проекти и идеи се претстави и на двете дебати на МТВ и Телма, каде гостуваа пет од вкупно шест кандидати за градоначалник на Битола и тоа покрај Христо Кондовски од СДСМ и коалицијата, Тони Коњановски од ВМРО-ДПМНЕ и коалицијата, Јорго Огненовски од партијата Демократи, Горан Тасковски од партијата Македонска ера трета и Зоран Лазаревски-Паљо предложен од група избирачи. Поради службено патување во Словенија отсуствуваше Горан Милевски од коалицијата на ЛДП и ДОМ.

Покрај со проектите, Кондовски го привлекол вниманието на членовите на ВМРО ДПМНЕ и преку прашањето кое директно му го постави на противкандидатот Коњановски зошто сега го оспорува неговиот професионален профил, а претходно лично Коњановски примил донација од фирма на Кондовски. Покажувајќи фотографија како Коњановски лично прима донација, Кондовски го запраша: Од кога тоа да се биде успешен менаџер е хендикеп, а не предност?

На ова Коњановски ретерираше и рече дека апсолутно не е хендикеп да се биде успешен менаџер.

ВМРО ДПМНЕ – Битола дополнително се во паника и затоа што Кондовски, како што и сам јавно нагласува, никогаш не бил на политичка функција и не користел државни фондови, за разлика од противкандидатот Тони Коњановски.

И додека разочараноста на членството на ВМРО ДПМНЕ тлее повеќе години, во услови кога им се нуди општината да ја води човек од фамилијата Коњановски, што би значело продолжување на политиките на неговиот брат Зоран Коњановски и нивниот градоначалник Владимир Талевски, сега Кондовски и за многумина од опозицијата е надеж Битола да тргне во еден нов и прогресивен правец.

Ова дотолку повеќе ги притиска ВМРО ДПМНЕ, затоа што Кондовски не е политичар, туку човек од реалниот сектор. Тој секој ден е меѓу граѓаните, а битолчани го доживуваат како натпартиски човек. Всушност, тој и самиот вели дека по ниту еден основ не ги дели луѓето, туку ги обединува и дека затоа ќе биде градоначалник на сите граѓани во Општина Битола.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Почина 25 годишен професионален војник синоќа во Скопје !!

Синоќа во Клиниката за анестезија, реанимација и интензивно лекување КАРИЛ почина професионалниот војник А.Ј. (25), соопшти Генералштабот на Армијата на Македонија. Војникот беше еден...

Неготинчанец ја запалил семејната куќа оти бил скаран со неговиот татко и мајка !!!

Дваесет и седумгодишен неготинчанец со иницијали М.А. доби кривична пријава од полицијата, откако предизвика пожар во домот на неговите родители, и покрај судската забрана...

Aлбански репрезентативец ги пцуеше Македонците и Србите по натпреварот против Хрватска

Албанија се спаси од пораз против Хрватска со гол во 95. минута (2-2), но натпреварот го одбележаа провокативни пораки од трибините, а уште поголем...

Луѓето над 40 години треба да работат само 3 дена во неделата

Истражување од 2016 година, објавено неодамна, открива дека од луѓето над 40 години може да се добијат најдобри резултати на работа ако тие работат...