7.9 C
Ohrid
недела, март 3, 2024
ПочетнаМакедонијаВо Кисела Вода уапсен избеган затвореник осуден за убиство во Сараево

Во Кисела Вода уапсен избеган затвореник осуден за убиство во Сараево

Скопјанецот Суад Куртовиќ, осуден на 12 години затвор бил уапсен вчера во Кисела Вода и вратен во затворот „Идризово“ на доиздржување на казната за убиство извршено во Сараево во 2012 година, дознава 24 Инфо.

Куртовиќ бил осуден во Сараево, но подоцна бил префрлен во Македонија на отслужување на казната, но тој не се вратил во „Идризово“ по еден од викендите кои му следуваат откако издржал поголем дел од предвидената казна.

На 22.11.2021 во 22.55 часот полициски службеници од Оперативен тим потраги на подрачјето Кисела Вода го лишија од слобода С.К.(38) од Скопје. Тој се барал со потерница од Казнено-поправна установа Затвор Идризово за доиздржување казна затвор од 3 години 4 месеци и 17 денови, од вкупно предвидената казна од 12 години и 10 месеци. Тој е сторител на повеќе кривични дела, и тоа „убиство“, „насилство“ и „оштетување на туѓи предмети“, казниви по чл.123, чл.386 и чл.243 од Кривичниот законик. С.К. ќе биде спроведен во казнено-поправната установа за доиздржување на затворската казна, информираа од МВР,

Куртовиќ заедно со Мирза Милиќ од Сараево на 10 мај 2012 година со нож го убиле 49-годишниот Харис Жига, воен ветеран во сараевската населба Бистрик.

Убиството предизвика многу револт кај сараевчани, незадоволни од безбедноста во градот. Убијците биле фатени неколку часа подоцна, а пронајден е и нож со кој е извршено злосторството. Несреќниот Жига, татко на две деца, од кои едното малолетно, се судрил со двајцата зависници од наркотици, неколку часа откако направиле инцидент во блиската продавница.

Ветеранот дошол на повик за помош од сопственикот и ги избркал Куртовиќ и Милиќ, а тие потоа го пресретнале во една уличка и од зад грб го нападнале. Обдукцијата покажала дека сечилото смртно му го повредило срцето, а откако паднал го удирале по главата.

Пријателите на Жига, кои биле со него непосредно пред да биде убиен, велат дека двајцата убијци и претходно го малтретирале сопственикот на продавницата. Кобната вечер дошле да купат цигари, но трговецот не сакал да им ги продаде бидејќи им недостасувале пари.

spot_img
spot_img
ПОВРЗАНИ СТАТИИ

Најпопуларни

Повеќе постови

Битолчанец ги искоцкал парите, па го запалил казиното.

35-годишник подметнал пожар во казино, соопштија од Битолската полиција. Според информациите, синоќа во 02.15 часот во Битола, полициски службеници од СВР Битола го лишиле од...

Пендаровски објави: Собрани се 10.000 потписи за неполни пет часа

Актуелниот претседател, Стево Пендаровски, кој се кандидира за втор мандат на претседателските избори објави дека за помалку од пет часа успеал да собере 10.000...

Силјановска Давкова за само четири часа собра над 15.000 потписи

За само четири часа, во периодот од осум изутринава до 12 часот кандидатката за претседател на Македонија, Гордана Силјановска Давкова над 15.000 граѓански потписи...

Јанкулоска со поддршка за Силјановска-Давкова

Поддршка за мојата професорка, затоа што докажа дека жената истовремено може да биде добра мајка, посветена сопруга и експерт во својата професија – сочуствителна...