Педесетгодишен возач од Македонија, кој деновиве, возејќи камион во Италија, доживеал срцев удар и починал, е прогласен за херој од страна на италијанските медиуми.
Возејќи по автопатот Авелино – Салерно, човекот почнал да чувствува здравствени проблеми. И покрај тоа, тој бил присебен, успеал да ја намали брзината, да го сопре камионот на безбедна страна кај крстосницата за Серино, се струполил над воланот и починал. Екстремниот маневар овозможил да се избегнат драматични несреќи.
На местото на настанот интервенирала сообраќајната полиција од Авелино и здравствени работници, но не успеале да го спасат 50-годишникот.
За овој потег, италијанските медиуми го прогласија за херој Македонецот, за кој Батали.нет дознава дека живеел во Велес, бидејќи, како што објавуваат, спасил животи на други учесници во сообраќајот..
.
.
.
Јавува:Батали.Нет
