Јасмина Петровска иако има само 46 години надворешниот изглед го издава нејзиниот мачен живот, нејзините дечиња стуткани се греат со шишиња топла вода за да не премрзнат до утрото. (ВИДЕО)

Јасмина Петровска имала судбина да биде и маж и жена во куќата. Иако, има само четириесет и
шест години, надворешниот изглед го издава нејзиниот мачен живот. Пропадната, истрошена,
несреќна и разочарана, оваа тажна мајка не знае дали повеќе да се плаши од болестите на
нејзините деца или од стариот дом кој нависнал врз нив. Чиниш и тој го оплакува нивниот страден
живот. Тешко ги минуваат деновите. Но, уште потешко ноќите. Тогаш е најтешко. Стуткани сите во
два искршени кревети, се дотоплуваат со шишиња топла вода за да не премрзнат до утрото. Но, и
така, Јасмина, око не може да склопи, го чува сонот на најмилите и ги пази во случај нешто да се
руши, да ги разбуди, за да не и ги поклопи децата.
-Ме боли за сите три деца. Исто како прстите од раката. Ме боли што се осудени на ваков живот.
Сите тројца с ми се родија со хендикеп. Ивица се роди како здраво дете, но, до годината што му се
случи не знам. Денес, ниту зборува, ниту е способен сам да се грижи за себе. Другите деца ми се
со полесен хендикеп.