На вчерашнатa модна ревија организирана од Skopje Fashion Festival, манекенките кои ги носеа креациите од македонската модна дизајнерка Сара Реџиќ, носеа и листови на кои беа испишани антивоени пораки. Манекенките држеа бели листови на кои имаше испишано пораки за мир и поддршка за Украина која во мигов се соочува со инвазија од страна на Русија.
Хит на ревијата е сепак манекенката која по пистата се прошета со погрешно напишана порака „мир“. Наместо „мир“ – peace на англиски, манекенката порача „парче“ – piece.
Креациите изобилуваа со фолклорни елементи и силни бои, а доминираа интересни мотиви од детски прешивачи од ретро-ризницата од регионов. Освен пораки за мир во Украина и Сирија и секаде каде што се војува, оваа ревија беше и потсетник дека модните случувања треба да бидат поддршка и свесност во вакви времиња.
