7.5 C
Ohrid
сабота, април 20, 2024
ПочетнаМакедонијаНов скандал во АНБ: Вработена што ниту вози, ниту има возачка дозвола,...

Нов скандал во АНБ: Вработена што ниту вози, ниту има возачка дозвола, треба да плати оштета за сообраќајка?!

После случајот Олександр Онишченко, нов скандал ја тресе Агенцијата за национална безбедност, овојпат поврзан со неколку автомобили кои наместо на име на Агенцијата, биле заведени на лични имиња на вработени од секторот за стратешка соработка, дел од кои воопшто не ни имале возачка дозвола, дознава Слободен печат.

За случајот се дознало, кога на една од вработените и стигнала опомена дека извршител ќе и наплати за наводна сторена сообраќајка во која што таа ,,учествувала” со возилото кое што било на нејзино лично име, а не на име на АНБ. Но, вработената ниту вози автомобил, ниту има возачка дозвола, ниту знаела дека сообраќајката е направена.

Единствено, автомобилот бил регистриран на нејзино име, а тој што го возел, кога ја направил сообраќајката во европскиот записник ги дал нејзините податоци, односно податоците од сопственикот на автомобилот. Потоа на тој фалсификуван записник, продолжил и да ги плаќа оштетите од сообраќајката на име на вработената. Вработената без возачка дозвола била повикана од осигурителна компанија за да плати пари за сообраќајката за која таа првпат слушнала тогаш.

Со случајот според наши информации се занимава внатрешната контрола на Агенцијата откако вработената решила да пријави дека била предупредена дека извршител ќе и ги наплати парите од лична сметка како штета од европскиот записник. Таа пријава покажува дека проблемот е службен, на АНБ а не нејзин личен. Се дознало дека не само овој, туку и други автомобили наместо да бидат регистрирани на име на службата, регистрирани се на лични имиња на поединци внатре, што остава простор за злоупотреби за неслужбени работи.

spot_img
spot_img
ПОВРЗАНИ СТАТИИ

Најпопуларни

Повеќе постови

Мицкоски ги повика Апасиев и Димитриевски на обединување за македонско национално единство.

ВМРО-ДПМНЕ ги покани Апасиев и Димитриевски на обединување ВМРО-ДПМНЕ ги покани Апасиев и Димитриевски на обединување за македонско национално единство. Повкиот го упати лично...

Мицкоски до Ковачевски: Со вас Македонија нема европска иднина, со Артан и Али заглавивте во калта на вашите ситни интереси и среброљубие

ВМРО-ДПМНЕ денеска одржа митинг и во Берово, каде пред присутните се обрати и претседателот Христијан Мицкоски, кој му одговори на Димитар Ковачевски кој во...

Бисера: До 2028 нови 194 километри безбедни и модерни автопати и реконструкција на 950 киломерти патишта низ целата држава.

До 2028 нови 194 километри безбедни и модерни автопати и реконструкција на 950 киломерти патишта низ целата држава. Ги впишавме македонските патишта во мапата на...

Димитириевски: Нема теорија да коалицираме со СДСМ

Со актуелното раководство на СДСМ, кое многу се огреши, нема теорија да коалицираме. Со ВМРО-ДПМНЕ, прво да расчистат со заостанати коруптивни дела од претходната...