5 C
Ohrid
сабота, април 20, 2024
ПочетнаUncategorized @mkГи повикуваме Македонците во Голо Брдо, Мала Преспа, Гора, Врбник, како и...

Ги повикуваме Македонците во Голо Брдо, Мала Преспа, Гора, Врбник, како и на целата територија на Република Албанија на пописот на населението во септември годинава без страв да се изјаснат дека се Македонци.

Македонските здруженија во Албанија започнаа кампања „Главата горе – изјасни се дека си Македонец“. Албанија се спрема да го пребројува населението на средината на септември, а македонското друштво “Илинден“-Тирана веќе објави повик до сите Македонци во Албанија, да се изјаснат дека се Македонци, за, како што пишува, да го зачуваат својот македонски идендитет.

– Ги повикуваме Македонците во Голо Брдо, Мала Преспа, Гора, Врбник, како и на целата територија на Република Албанија на пописот на населението во септември годинава без страв да се изјаснат дека се Македонци и дека мајчин јазик им е македонски. Така ќе го зачуваат својот македонски идентитет во Република Албанија. – велат од Македонското друштво „Илинден“ – Тирана.

Претседателот на друштвото Никола Ѓурѓај за МИА, вели, дека е време да се подигне свеста кај Македонците, кои главно се концентрирани во Мала Преспа, Гора, Голо Брдо, но, вели дека ги има по неколку десетина илјади и во други градови низ земјата. Нагласува дека Албанија признава Македонци само во Мала Преспа и затоа, вели, време е Македонците да се изјаснат на пописот, дека ги има низ целата држава.

– И покрај барањата во континуитет по падот на тоталитарниот режим, се уште на Македонците не им се признава статус на малцинство на целата територија на Албанија. Но, без оглед на тоа многу меѓу Македонците чувствуваат и страв и не се изјаснуваат она што се. Буквално се плашат да кажат дека се Македонци, за да не бидат санкционирани, посебно оние кои работат или добиваат некаква социјална помош. – вели Никола Ѓурѓај претседател на „Илинден“ – Тирана.

Во изминатиот период Македонците од Албанија, континуирано се жалат и на тивка буграска асимилација и притисок од Бугарија, велат дека главното ветување се бугарски пасоши. Пред еден месец, за време на официјалната посета на Скопје, на шефицата на албанската дипломатија Олта Џачка, ТВ 24 ја праша дали Тирана ќе замижи пред официјална Софија, со оглед на тоа што и Албанија ги стартува преговорите со ЕУ? Тогаш Џачка одговори дека тие никогаш не замижале за некој процес за кој сметаат дека е неправичен и порача дека во Албанија има спорадични случаи на бугарска асимилација на Македонци, а Тирана навремено и брзо ќе ги споделува информациите со Скопје.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...