Младиот охриѓанец Емин Алим доби благодарница од Црвениот крст во Охрид за неговата хуманитарна акција што ја реализира веќе три години,помош на оние на кои им е најпотрбна.
Емин Алим син на познатиот бербер Неат Алим-Шогун, бесплатно ги потстрижува ранливите категории граѓани во Охрид, кои не се во можност да одвојат средства за оваа намена.
Младиот Емин е средношколец и е трета година во ОУТУ „Ванчо Питошески“ во Охрид, но покрај школувањето, тој со љубов го работи и занаетот што го научи од неговиот татко берберот Шогун.
