Кога Македонија не може да обезбеди учебници за своите ученици, Бугарија е тука да ја пополни дупката. Тие ја користат неспособноста на власта во образованието за да повторно провоцираат и шират ова пропаганда. П атака, бугарот Виктор Стојанов од контроверзната „Фондација Македонија„ се појави на социјалните мрежи со понуда до сите македонски родители на учениците кои се без учебници да му се обратат за да им се обезбедат книги од Бугарија.
Фондацијата Македонија е подготвена да купи учебници од Бугарија за секое дете во училиштата во Северна Македонија, бидејќи владата на Ковачевски не обезбедува учебници за децата повеќе од една година.
Го молиме секој родител кој сака на своето дете да му подари учебници од Бугарија – да ни испрати приватна порака.
Загарантирана е анонимноста на сите, пишува на Фејсбук профилот на „Фондација Македонија“ Виктор Стојанов претседателот на Фондација Македонија.
Понудата на Стојанов е целосно неоставрлива и преставува само обид за нова проквокација затоа што е невозможно македонски ученици во македонско училиште да учат од бугарски учебник и тоа по бугарски образовен концепт.
Но тоа не го спречува Стојанов да провоцира. Тој ја користи неспособноста на Владата на Ковачевски. Како и изминатите година така и годинава стартот на учебната година почнува без учебници. Учениците од трето и шесто одделение тргнаа на училиште без учебници, а од останатите одделенија, две книги имаат една нема. Четврта година по ред како власта не може да обезбеди учебници навреме и како и досега така и оваа година се правда дека не е до нив, туку дека останататите не си ја завршиле работата.
Покрај учебници, ланската година истата фондација на Виктор Стојанов нудеше 30 евра за децата да учат курс по Бугарски литературен јазик. Фондацијхата објави дека постои онлајн улиште Свети Наум Преславски со 95 ученици од Македонија.
Од фондацијата велат дека од нивното формирање досега изминале 40.000 километри низ македонските градови и села, да делат и разнесуваат бугарски книги. Тврдат дека досега поделиле 50 тома литература, а имаа за цел од Бугарија да донесат во Македонија дури 10.000 тома.
Фондација Макеоднија освен во Макеоднија шири бугарска пропаганда и во Албанија и на Косово.
Паула Костадиноска Алсат
