Носителот на советничката листа Даниел Тороманоски и вториот кандидат по ред, Горан Мајстороски, важат за едни од најголемите произведувачи на слива и јаболко во регионот. Нивната посветеност и активна улога во општествениот живот низ Дебрца ги прави препознатливи и почитувани во заедницата.
Како идни претставници во локалната самоуправа, нивните главни заложби се насочени кон помош и олеснет пласман на земјоделските производи. Бидејќи и двајцата добро го познаваат трнливиот пат на земјоделецот, нивните планови не се само ветувања, туку конкретни решенија кои ќе бидат реализирани доколку ја добијат поддршката од граѓаните.
Кандидатот за градоначалник од СДСМ, Љупчо Паункоски, исто така е силно посветен на развојот на земјоделието, и покрај неговите приватни бизниси. Со оваа заедничка визија, победата на изборите ќе значи и победа за земјоделците, кои ќе добијат вистинска поддршка и можности за развој.
