Откако не добивме Оскар во двете категории, се огласи и главната протагонистка на документарецот, Атиџе Муртова, која кажа:
Мојот живот по снимањето на филмот драстично се промени. Сега имам нова куќа, и се станува подобро и подобро. Сакам публиката да извлече само една порака од филмот: како што јас споделувам со своите пчели, така сакам и сите луѓе да споделуваат едни со други.
Под насловот „Оскари 2020: Животни приказни од последната одгледувачка на диви пчели во Европа“, угледниот британски медиум „Би-Би-Си“ ја раскажува приказната за „Медена земја“.
Авторката раскажува за почетокот на филмот, потоа за кои животни лекции може да ги научите.
Лекциите се во меѓунаслови, а првата е „Делење за преживување“ каде е наведена изјавата на Атиџе: „Пола за мене, пола за тебе“.
Вториот наслов „Мудроста може да биде посилна од силата“ алудирајќи на способноста да се комуницира со животните како што се пчелите.
Третата приказна „Може да бидете сам, но не и осамен“, со тоа што Атиџе е сама со пчелите, но се грижи со нив како да се сопствени деца. Таа не е осамена.
Следната лекција е „Сликите зборуваат повеќе од зборовите“, и на крајот „Неонската светлина не може да се израмни со ѕвездите во Македонија“.
