Јапонската корпорација „Фуџифилм“ денеска соопшти дека го зголемила производството на лекот Avigan, кој инаку се користи портив грип, а тестиран е за време на лечење на респираторните инфекции предизвикани од новиот коронавирус.
Како што наведуваат, целта е до септември да се обезбеди доволна количина на лекот за лечење до 300.000 пациенти месечно.
Лекот моментално клинички се тестира во Јапонија, како можен лек за Ковид-19, после една кинеска студија која покажа дека лекот е ефикасен во лечење на пациентите.
Доколку ефикасноста и безбедноста на лекот Avigan се потврдат во клиничкото тестирање кое почна на 31-ви март, јапонската влада најверојатно ќе одобри користење на лекот за лечење на пациенти со Ковид-19.
Инаку, и други влади покажаа интерес за лекот, така што владата на Јапонија планира да обезбеди Avigan за 20 земји и тоа бесплатно.
Сепак, бидејќи се смета дека Avigan, познат и како Favipiravir, може да предизвика дефекти кај децата за време на породувањето, не можат да го користат трудници или жени кои можеби се бремени.
