Две малолетни момчиња на возраст од 14 и 15 години од населените места Пиперево и Добрејци починаале во несреќа што се случила пред мостот на реката Струмица помеѓу овие две населени места . Несреќата се случила попладнево. Двајцата тинејџери како што неофицијално дознаваме со трактор се движеле покрај брегот на реката од атарот на селото Василево со намера да се приклучат на патот Добрејци-Пиперево кај мостот што ги поврзува овие две населени места. Од засега непознати причини излетале од трапот на реката при што ги загубиле животите. Засега нема потврда дали момчињата се удавиле во реката или им подлегнале на повредите од превртениот трактор.
Од СВР Струмица потврдија дека две малолетни лица се починати кај реката Струмица пред мостот кон населеното место Пиперево. Според полицијата несреќата се случила околу 15 часот. Увид извршиле од полицијата, дежурен јавен обвинител кои треба да ги утврдат причините за ова трагедија што ги потресе жителите на овие две населени места.
дрнка.мк
