Ако не повлечеме црвени линии за неколку децении ќе бидеме Курди на Балканот, вели претседателот нја Левица, Димитар Апасиев во „Само вистина“ на Канал 5.
Објаснува дека за нив црвените линии се унитарноста на Македонија.
„Значи да не се разговара за некаква идна федерализција или кантонизација. Секуларноста, тоа значи да се зауздаат верските заедници кои почнуваат да доминираат, следно е територијалниот интегритет да се гарантира, потоа идентитетот да се гарантира, значи име, јазик, култура и инсигниите, односно државното знаме, грб и химна. Ова е НЗС, зад кој што секоја македонска партија мора да го стави својот потпис, бидејќи во спротивно ние за неколку децении од сега ќе немаме држава, односно ќе бидеме Курди на Балканот“, вели Апасиев.
Тој го обвини премиерот Зоран Заев дека е причина за настанувањето на проблемите со Бугарија. Вели дека раководството на Заев има слаби дипломати. Тој останува на ставот дека мора да се поништи Преспанскиот договор. Апасиев рече дека треба да ги напуштиме преговорите со Бугарија.
