Поради големата суша, топлото време и недостиг на дождови, значително е намалено нивото на реката Сатеска која се влева во Охридското езеро. Како што може да се забележи од фотографиите, ситуацијата е алармантна до толку повеќе за животинскиот свет во реката.
Па еве јавно поставуваме прашање зошто реката Сатеска во моментов е пренасочена на старото корито без да се размисли на еколошката катастрофа?!!
Реката Сатеска во далечната 1961 година беше пренасочена од нејзиното природно корито и наместо да се влева во реката Црн Дрим, таа веќе шест децении се слева во Охридското Езеро. Причините за таквиот зафат беа за да се оневозможи внесување талог во акумулацијата „Глобочица“, за мелиорација односно исушување на Струшкото Блато и да се зголеми потенцијалот на водата од Охридско Езеро за производство на електрична енергија.
А еве како беше претхдоно:
Екологистите постојано алармираат за намалувањето на водостоите на повеќе реки во земјава, како и за намалувањето на нивото на Преспанското и Охридското езеро.
Двете езера имаат помал водостој од просечниот за август и тоа за 15 сантиметри кај Охридското, односно за 1,73 метри кај Преспанското Езеро. За разлика од нив, нивото на Дојранското Езеро е за 2,58 метри повисоко од повеќегодишниот просек за овој месец.
Водостојот е понизок од просечниот и кај други реки. Исклучок се Вардар на сите четири мерни места, Бабуна кај Богомила, Брегалница кај Штип и Струмица кај Сушево, каде нивото е повисоко од просечното.
