Текстот е сатира:
По неколку дена неизвесност, која на моменти за малку не премина во тотален хаос, прес службата на Владата по неколку дена молк, конечно објасни зошто оставката што си ја поднесе премиерот сѐ уште не стигнала до Собранието.
– Знаете како, откако премиерот ја поднесе оставката со моторот замина во Охрид да се опушти на неколку дена. Моторот му е офф роуд, па на одење патувал по автопатот и не ни забележал дека не е готов. Затоа, кога го замоливме да ја испрати оставката до Собранието во пишана форма, тој ја пуштил по истиот пат при што курирот со Пежото заглавил уште кај Велмеј. Ама не е страшно, кај и да е ќе го завршат автопатот и оставката ќе стигне таму каде што треба. – изјави портпаролот на Владата.
Како што дознаваме, курирот е во добра здравствена состојба и уште на првиот ден од заглавувањето му била испратена храна и помош за да ја преживее зимата преку двајцата работници кои работат на завршување на автопатот.
Извор:Коперација
