Пратеникот од БЕСА Кастриот Реџепи денеска своеволно допшол во полициска станица, каде дал изјава дека никогаш не бил исчезнат, туку самоволно, без никаков притисок, со своето семејство заминал кај пријател за да се заштити од публицитет поврзано со собраниската седница, информираат денеска од Министерството за внатрешни работи.
– Во врска со вчера добиената пријава во ПС Бит Пазар за К. Р. , МВР ве известува дека пред малку К.Р. своеволно дојде во полициска станица и даде изјава дека пријавата е невистинита односно никогаш не бил исчезнат туку самоволно, без никаков притисок, со своето семејство заминал кај пријател за да се заштити од публицитет поврзано со собраниската седница, се вели во соопштението од МВР.
Лидерот на БЕСА Биљал Касами, вчера информираше дека пријавил во полиција оти „пратеник на движењето БЕСА е исчезнат“ и ги повика властите да го најдат каде е и да објаснат зошто 24 часа не е достапен.
Кастриот Реџепи вчера не присуствуваше на собраниската седница за гласање доверба на Владата. Пo шпекулациите за негово наводно исчезнување и киднапирање, Реџепи се огласи до јавноста преку својот Фејсбук профил и најави дека во понеделник ќе се појави пред новинарите за да разјасни што се случило со неговото вчерашно непојавување во Собранието каде требаше да се гласа за доверба на Владата.
Тој ја повика неговата партија, Движењето БЕСА, да не презема избрзани чекори кои ќе им нанесат штета на партиските структури и активисти.
Во врска со вчера (11.11.2021) добиената пријава во ПС Бит Пазар за К.Р., МВР известува дека К.Р. своеволно пристигнал во полициска станица и дал изјава дека пријавата е невистинита.
Пратеникот Кастриот Реџепи истакнал никогаш не бил исчезнат туку самоволно, без никаков притисок, со своето семејство заминал кај пријател за да се заштити од публицитет поврзано со собраниската седница.
Почитувани пријатели и членови на семејството, без оглед на вашите политички убедувања, Ви благодарам за грижата и поддршката што ми ја давате, претходно во текот на денот напиша на својот фејсбук профил, пратеникот на Беса, Кастриот Реџепи.
– Во наредните денови ќе имате можност да дознаете подиректно за се. Што се однесува до медиумите и големиот интерес што го разбирам, ги информирам дека моето прво појавување ќе биде во понеделник преку прес конференција, додаде Реџепи.
Тој апелира до раководството на Движењето Беса да не презема избрзани чекори кои би им наштетиле на партиските структури и активистите.
– Емоциите треба да се остават настрана, а постапките да се прават разумно, заклучи Реџепи
