Православниот празник Богојавлние – Водици беше одбележан насекаде низ Албанија каде што живеат православните Македонци, Мала Преспа, Голо Брдо, Врбник и во поголемите градови низ Албанија.
Македонците во Мала Преспа традиционално се собраа во селските цркви и после литургиите што ги одржаа свештенците Алексо Темелко и Ропи Арѓири, според обичаите, со крстот украсен со босилок се упатуваат кон брегот на Преспанско Езеро каде се фрла крст во сите девет села.
Со своите сограѓани во Пустец, беше градоначалникот на истомената општин, Пали Колефски, како на богослужбата во црквата „Архангел Михалил“ така и при свечениот чин на фрлањето на крстот.
Најсереќен во Пустец беше Цветан Вангелофски. Посакувам многу здравје, среќа, бериќет и општа благосотојба. Им честитам на сите млади што ја продолжуваат традицијата, посебно секако на Цветан, кој од општината ќе добие награда во износ од 5.000 леки (над 40 евра), рече Колефски.
Честитка по повод овој голем празник, до сите Македонци во Албанија, во матичната земја и каде и да се во светот, во свое и во име на македонската партија, Македонска алијанса за европска интергација, МАЕИ, упати партискиот лидер Васил Стерјовски. Празникот го честиташе и македонското друштво “Илинден“ и огранокот за Голо Брдо.
