После објавата на Анима Мунди градоначалникот Пецаков се огласи за направениот ринг за борби со кучиња помеѓу Охрид и Струга, тој во неговото соопштение вели:
Сосема небитно е дали е локацијата во Охрид, Струга или некаде на друго место…
Сликата е нечовечна и нецивилизирана…
Потребна е брза институционална реакција од соодветните институции‼️
Во продолжение ви ја прикажуваме и објавата на Анима Мунди
Во околината на Охрид, на излезот према Струга, на јавна површина направен ринг за борби на кучиња. Ликови, добро познати и на полицијата, си организираат борби и мува не ги лази (заради наша безбедност моравме да ги цензурираме лицата). Со пехари, со присуство на лица од други градови и држави (претходно во кампот Андон Дуков се организираа, и ширум други струшки и тетовски села), со цела организираност која е апла воочлива и за полицијата која со години никого не санкционирала (од наши извори дознавме дека еднаш и била набркана кога по пријава отишле на сред една ваква борба полна крвопролевање на недолжни битија).
Што дека низа законски одредби се прекршуваат (види во прилог слики од Законот за заштита и благосостојба на животните), некои имаат “привилегија” да се ставаат над законите, и притоа иако закон прекршуваат да се закануваат на оние што закони почитуваат и важат за чесни и совесни граѓани. Свесни поради ризикот по нашата безбедност не се осмелуваме да пријавиме во полиција, каде несомнено ги има и лица ближни на овие ликови.
Локацијата е добро позната и на полицијата, која ако е доследна на заклетвата која ја дала и на она што нејзина должност е, би проделувала на основ и на оваа објава и доказен материјал (да, и сликите се доказ, за оној што на правината и доброста сакаат да им служат), на ова очигледно прекршување на законите и дивеење ширум државава. Не може и не смее за некого законите да важат (и за најмали ситници), а за некои да не важат (и за вакви големи зла).
Кутри животинчиња, недолжно измачувани и злоупотребувани заради нечии психички и душевни изместувања. Од овие зла, подлога се создава и за зла учинувани и врз луѓе, тешко таа држава која таа вистина не умее или не сака да ја воочи.
Министерство за внатрешни работи / Мinistria e Punëve të Brendshme
Oliver Spasovski
Кирил Пецаков – Градоначалник на Општина Охрид
@Агенција за храна и ветерина- Пишува Анима Мунди во нивното соопштение
