Како изминуваат деновите од трагедијата во Кочани, така на социјалните мрежи и во медиумите дознаваме за нови досега неспомнати херои за кои во јавноста треба погласно да се зборува.
Меѓу нив се и Мартин Јосифов од Кочани и Зоран Богатинов од Чешиново-Облешево.
Станува збор за вујко и внук кои кобната ноќ неуморно заедно со луѓе од обезбедувањето спасувале деца во пожарот кој ја зафати дискотеката “Пулс“.
Мартин раскажал како добил повик од својата сестра дека дискотеката гори. Живеел во близина, а и знаејќи дека таму се негови другари и другарки без двоумење заминал да спасува животи повикувајќи го и својот вујко Зоран со кој неуморно се дале во спасување на што е можно повеќе деца во дискотеката.
Според последните информации, Мартин Јосифов се оправува во клиничкиот центар Мајка Тереза, а и вујко му е во добра здравствена состојба.
Мастило.Мк
