Во пресрет на муслиманскиот празник Рамазан Бајрам, градоначалникот на општина Охрид, д-р Константин Георгиески, вечерва од 20:00 часот, на Градскиот плоштад „Чинар” ќе приреди Ифтарска вечера за граѓаните со муслиманска веросиповед.
Оваа манифестација во покровителство на градоначалникот се организира традиционално неколку години наназад и има за цел да ги зајакне односите помеѓу граѓаните, да го потврди почитувањето на верските различности и да го зачува соживотот во Охрид.
