7.5 C
Ohrid
сабота, март 2, 2024
ПочетнаМакедонијаДебарцаНогачески трет ден на терен заедно со пожарникарите и жителите на с.Велмеј

Ногачески трет ден на терен заедно со пожарникарите и жителите на с.Велмеј

Три дена трае огнената стихија по ридовите околу село Велмеј. Три дена сум на лице место, непосредно на неколку метри од огнената линија и ја следам борбата на 60 тина вработени во Јавното претпријатие Национални шуми, ТППЕ – Охрид, јавните претпријатија од Охрид и Дебрца и дел од локалното население против огнот, особено борбата истиот да не го загрози селото. Искрено, морам да признам, за првпат сум видел како изгледа да се гасне шумски пожар, кој зафатил поголема површина ( во случајов можеби и 100-тина хектари ), на непристапен терен, со големи количества на леснозапалив материјал и при крајно неповолни временски услови, вели во вечерашната писмена изјава споделена на фејсбук првиот човек на општина Дебрца, Зоран Ногачески и додава:

-На двапати согласно законските процедури побарав помош за гаснење од воздух и во понеделникот и денес дејствуваа два ер трактори на Дирекцијата за заштита и спасување.
Пожарот сеуште не е изгаснат. И не велам дека на моменти ситуацијата не беше сериозна. Сериозна да, ама не и критична, апокалиптична. Сите три дена целта на силите за гаснење беше да се изгасне огнот или да се спречи да се движи кон селото, но и да не се доведат во опасност животите на лицата кои гаснеа на тешкиот терен.
И одеднаш читам на некои портали, како “никој три дена не дејствувал, дека селото е оставено само на себе, селаните сами се справувале, никој не им помогнал”.
За жал, некои мислат дека колку полоша вест пласирале толку е подобро.Свесно или несвесно на тој начин само долеваат масло на огнот кој беснее над Велмеј.
Вистината не е таа. Три дена по десетина часа дневно дејствуваат сите погореспомнати сили и им изразувам голема благодарност. Во сите три дена имаме одлична комуникација и со Дирекцијата за заштита и спасување, со Центарот за управување со кризи, ТППЕ Охрид, Градоначалникот на општина Охрид, претставници на месното население и црковниот одбор.
Неправедно ќе беше кон сите кои деновиве несебично се ангажираа ако ова не го кажев.
Секоја чест на некои медиуми кои ме контактираа и ја пренесоа фактичката состојба.
И сите три дена, одговорно тврдам дека, иако на моменти состојбата стануваше сериозна, во ниту еден момент непосредно не беше загрозен животот ниту на гаснителите, ниту на жителите на селото или нивниот имот.
Крајно, некои ќе речат, зарем три дена не може да се изгасне пожарот. Ако беше така лесно се ќе беше завршено. Верувајте, не е така лесно. И не Ви би посакал во животот да се најдете во вакво искушение. Впрочем, сведоци сме дека и во најразвиените држави има случаи вакви пожари со денови да се гаснат.
Вечерва има екипи на терен кои ќе ја следат состојбата, а утре, со божја помош и се надеваме со поволни временски услови продолжуваме и ќе завршиме, вели Ногачески.

spot_img
spot_img
ПОВРЗАНИ СТАТИИ

Најпопуларни

Повеќе постови

ЗИБЕРИ: Многу лични документи кои се обработени и подготвени за доставување се заглавени во лавиринтите на МВР

Готови документи се заглавени во лавиринтите на МВР, а поднесени се 50 претставки до Народниот правобранител. „Многу лични документи кои се обработени и подготвени...

Обвинителот Коцевски: Сум имал 50 до 60 вакви случаи, но како убиството на Вања Ѓорчевска немав видено

Државниот обвинител Љупчо Коцевски во првото телевизско интервју, во ТОП Тема на Телма наведе дека во обвинителската кариера истражувал многу злосторства, но како убиството...

Зад себе имам мандат без ниту една стратешка грешка, рече Пендаровски

Претседателот Стево Пендаровски ја објави кандидатурата за нов мандат на претстојните претседателски избори. Пребарај.. МАКФАКС МАКФАКС МАКЕДОНИЈАПендаровски ја објави кандидатурата за нов мандат: „Не ме контролира никој, ниту...

Скопјанец не пријавил дека е почината мајка му, па девет години ја земал инвалидската пензија !!!

Одделот за сузбивање на организиран и сериозен криминал поднесе кривична пријава против Н.Љ.(60) од Скопје поради постоење основи на сомнение за сторено кривично дело...