Туристичка агенција од Србија организира ексклузивно возење со Синиот воз на Тито на 29 ноември, Денот на Републиката. Турата тргнува од белградската станица Топчидер, а ќе вози до Ужице, со ноќевање на Златибор. Според порталот „Глас на Западна Србија“, патниците за време на возењето ќе имаат можност да слушнат за историјата и атракциите поврзани со Синиот воз.
Поаѓање од станицата Топчидер е на 29 ноември, а враќањето е на 30 ноември од станицата во Ужице.
Цената на билетите за тематското возење со возот на Тито до Ужице е 5.900 динари, а бројот на места е ограничен.
