Во раните утрински часови во селото Требеништа се случила вистинска драма, која за среќа завршила без тепачка. Компанијата Викторија Инвест која е задолжена за изградба на автопатот Кичево-Охрид без никакво право од општината и од месната заедница на село Требеништа разнесувала земја за приватни потреби на барање од еден од мештаните на истото село. Неколку денови мештаните на село Требеништа се жалеле во општина Дебрца дека низ нивното село поминуваат тешки товарни возила- камиони кои имаат носивост над 50 тона, при што предизвикале голема штета во истото село, оштетување на асфалтот од самата тежина.
Откако мештаните го пријавиле настанот инспекторатот за Урбанизам на општина Дебрца излегол на терен при што ја предупредил компанијата Викторија Инвест за нанесената штета, а од компанијата се согласиле дека нема да се повтори тоа и нема повеќе да врши насипи за приватни потреби. Но зборот траел само два дена…. кога истите тешки товарни возила биле повторно пратени во истата приватната парцела на барање од истиот жител на селото. Кога мештаните повторно ги забележале камионите решиле работите да ги земат во свои раце бидеќи компанијата не се плаши од инспекторатот. Тие направиле блокада со трактори и земјоделска механизација па не ги пропуштале камионите самоволно да вршат насипи со земја на приватни парцели. Сопственикот на парцелата се обидел да се спротистави при што побарал да се одблокира патот за да продолжи со својата работа но жителите на село Требеништа не сакале да подлегнат на сето тоа при што настанала вербална расправија која завршила без тепачка, од неофицијални извори дознаваме дека настанот е пријавен во полиција.
По овој скандал бараме институците да постапат согласно законот и компанијата Викторија Инвест да биде казнета за нанесената штета во истото село.
