-6 C
Ohrid
сабота, јануари 16, 2021
Почетна Македонија Дебарца Зaeв: Во Дебрца-Охрид се подготвува локација за изградба на фотонапонска централа со...

Зaeв: Во Дебрца-Охрид се подготвува локација за изградба на фотонапонска централа со јачина од 50 мегавати.

Translate (Eng):[gtranslate]

Претседателот на Владата, Зоран Заев на денешната промоција на првата најсовремена фотонапонска централа на „ЕВН Македонија“ во Неготинско – Војшанци, истакна дека еден од главните приоритети на Владата е подобар квалитет на животот на своите граѓани, со посебен акцент на инвестициите во енергетскиот сектор преку политики кои овозможуваат промоција на обновливите извори на енергија, како и унапредување на енергетската ефикасност.

Заедно со министерот за економија Крешник Бектеши, министерот за животна средина и просторно планирање, Насер Нуредини и претседателот на Управниот одбор на „ЕВН Македонија“, Штефан Петер, ја истакнаа важноста од еколошкото производство на електрична енергија. Овој успешно реализиран проект е во рамки на јавниот повик на Министерството за економија, за доделување на премии за електрична енергија произведена од фотонапонски централи на приватно земјиште.

Премиерот Заев истакна дека сите заложби се насочени на искористување на сончевата енергија која ја имаме во изобилство како земја со 280 сончеви денови годишно и најквалитетен пик на сончева енергија.

РЕКЛАМА

„Поставени се нови 62,5 мегавати фотоволтаици, коишто се во фаза на изградба, по пат на јавно-приватно партнерство, а успешно е завршена постапка за инсталација на 100 мегаватна фотонапонска електрана во Осломеј, каде државата очекува најмалку 10% за ресурсите кои ги нуди. Се гради 10 мегавати фотонапонски централи од сопствени пари од страна на ЕСМ во стариот рудник во Осломеј. Пред склучување на договори сме за нови 10 мегавати од Осломеј и нови 20 мегавати во РЕК Битола. Дополнително успешно завршија постапките во Кочани за изградба на 8 мегавати фотоволтаици. На потегот Крива Паланка – Куманово имаме инвестиција потенцијално вредна 500 милиони евра за 400 мегавати ветерница. Се работи на три засебни проекти од вкупно 90 мегавати ветерници на странски инвеститори за во Богданци, Демир Капија и Свети Николе. Истовремено се подготвува локација во Дебарца за 50 мегавати и дополнителни уште 100 мегавати по територијата на целата наша земја. Целта е 400 мегавати фотоволтаици и 200 мегавати ветерници во државата. Паралелно на тоа, разговараме за инвестиција во гасни централи надвор од татковината и дома. Во тек е постапка за инвестирање во вкупна вредност од 25% на 800 мегаватна гасна централа во Александрополус и 10% учество на Северна Македонија во гасниот терминал Александрополус. Вкупната наша инвестиција ќе биде помеѓу 30-35 милиони евра“, наброи премиерот Заев.

 

Министерот Бектеши рече дека со реализација на оваа инвестиција во рекордно време очекувањата се надминати.

„Министерството за економија како надлежно министерство за политиките во делот на енергетиката, и во иднина ќе продолжи да поддржува активности за промоција на обновливите извори на енергија и поттикнување на енергетската ефикасност, со цел реализација на зацртаните цели за учеството на обновливите извори на енергија утврдени во стратешките документи во насока на постигнување на национална цел за заштеда на енергија“, рече Бектеши.

Од ЕВН велат дека централата е изградена во рекорден период од помалку од четири месеци.

„Оваа фотонапонска централа е резултат на плодната соработка меѓу државниот и приватниот сектор. Горди сме што нашата компанија вложува во проекти кои се наменети за заштита на животната средина и особено за намалување на загадувањето. За рекордни неполни четири месеци успеавме да направиме позитивна промена во насока на подобра енергетска иднина на земјата и за здравјето на нашите граѓани“, изјави претседателот на Управниот одбор на „ЕВН Македонија“, Штефан Петер.

Бифацијалната фотонапонска централа на ЕВН Македонија во Неготино е составена од 4.416 панели со моќност од 335 W, односно инсталирана моќност од 1479 kW и има капацитет од 2,1 GWh за годишно производство на електрична енергија од обновливи извори.

Публицитет.мк

- Реклами -