Поранешен работник во „Мерцедес“ во погоните во Шпанија одлучил да им се одмазди на работодавачите и им направил штета од 5 милиони евра.
Работникот, во раните утрински часови на 31 декември со багер ја пробил вратата на фабриката и уништил 50-тина нови автомобили кои на паркингот чекале за испорака.
Обезбедувањето не можело да го запре, па на крај испукало неколку куршуми во воздух. Дури тогаш работникот го запрел багерот а обезбедувањето го задржало додека дошла полицијата. Багерот го украл од дворот на една градежна фирма и го возел 21 километар до фабриката на „Мерцедес“.
Мажот работел во фабриката во 2016 и 2017 година, а полицијата кривично ќе го гони за кражба и за нанесување материјална штета.
