Спремајте ги куферите: Малта ќе им доделува ваучери од 200 евра на туристите што ќе ја посетат летово

Владата на Малта соопшти дека ќе одвои 50 милиони евра за ваучери со цел да се зголеми потрошувачката во земјата.

Според предвиденото, по 100 евра ќе добие секој граѓанин постар од 16 години, за да се врати економијата погодена од пандемијата.

Малта, која се обидува да ја поттикне туристичката потрошувачка, минатиот месец им понуди на туристите до 200 евра доколку останат најмалку три дена на медитеранскиот остров. Сумата зависи од рангот на хотелот во кој престојуваат туристите.