Македонската амбасада и конзулат изминатиот викенд го поминаа работно . Амбасадорката на Република Македонија Н. Е Билјана Стефановска и господинот Али Алиевски од македонскиот конзулат во Мелбурн за викендот допатуваа во Сиднеј. Целта на патувањето беше работна средба со македонските државјани кои живеат во Сиднеј и околината .
За време на викендот имаа закажано средби со повеќе македонци кои имаа потреба од нови патни исправи , продолжување на старите , заверка на документи ,државјанства и друго . За оваа иницијатива туристичката агенција Брага травел одстапи дел од своите простории. Повеќето граѓани завршија работа со исклучок на неколку со кои имаше некои административни и технички проблеми.
За патни исправи беа фотографирани 78 македонски државјани.
Во неделата доцна попладнето екипата излезе на терен во посета на стари и изнемоштени лица кои не беа во состојба да дојдат на закажаното место. Излегувањето на терен не е лесна работа заради габаритната опрема која треба да се носи и да се намести .
Оваа иницијатива на македонската амбасада и конзулат е за поздравување и пофалба.
Од лево – Зора Анастасовска апликант за патна исправа , амбасадорот Н.Е Билјана Стефановска и г-н Али Алиевски од македонскиот конзулат во Мелбурн
Потпишување на документи
