ВАСИЛ ЧАКАКАЛАРОВ – македонски револуционер
Во текот на Балканските војни 1912 – 1913 г во близина на с.Бел камен Леринско, во борба со грчките војски загинал Чакаларов.Бил ранет во нога и над левата града. Целиот крвав продолжил на пука со својот пиштол.Накрај загинува кај месноста Лакото.
По загинувањето Грците му ја сечат главата и набиена на кол со зурли и тапани ја шетат по селата и по улиците на Лерин викајки : “Го нема Чакаларов ,ја нема Македонија”.
Подоцна телото без главата му е погребано во Лакото, а во црквата во Лерин му е погребана главата.
Роден е во с.Смрдеж – Костурско ,Егејска Македонија на 22.02.1874 г.
Бил ѕидар во Шумен а навечер учел средно училиште.Учел француски јазик, а знаел и грчки.
Чакаларов бил бунтовен Македонски војвода, деец на ВМРО и учесник во Илинденското востание и на Смилевскиот конгрес.
За време на Илинденското востание ,покрај Крушево ,ослободени се уште два града во Егејска Македонија и тоа Клисура во Костурско и Невеска во Леринско.На чело на востанието биле Васил Чакаларов, Пандо Кљашев и Иван Попов .Како и Крушево и Клисура и Невеска биле влашки центри.Чакаларов, како и Питу Гули бил влах.
Клисура била слободна дури 22 дена(Крушевската република била слободна 12 дена).Востанието во Егејска Македонија траело два месеца, а Чакаларов бил еден од најголемите легенди од Илинденското востание кој раководел со најголемата чета од 2000 востаници.
Чакаларов бил близок соработник со Гоце Делчев.
За Грците тој бил бандит, разбојник и натрапник на грчката земја и непријател на хелинизмот.
Во 1903г. кај Д,мбени Костурско (кај месноста Локвата и Вињари )се судриле четата на Чакаларов со турците .Загинале 14 четници ,меѓу нив и братот на Чакаларов, Ѓорги.
Чакаларов се борел во двете Балкански војни – еднаш на страната на Грците против Турците, и вториот пат на страна на Бугарите , надевајќи се дека Македонија ќе се ослободи.Се излагал и првиот и вториот пат .
Германос Каравангелис (владика на грчката патријаршија, поставен од грчката влада да ја погрчи Беломорска Македонија) , давал големи пари да се убие Чакаларов.Каравангелис располагал со огромна мрежа на шпиони и андартски чети кои се бореле против Македонците.Ликвидирале многу Македонци, меѓу нив и Чакаларов.
