Локалниот застапник во Пенсилванија повторно е избран со големо мнозинство на гласови, покажуваат привремените податоци што ги објавија тамошните медиуми, иако починал минатиот месец од рецидиви на рак.
Демократот Тони ДеЛука почина на возраст од 85 години на 9 октомври од лимфом и тогаш беше предоцна за промена на гласачките ливчиња.
Тој цели 20 години го застапуваше 32-от округ на Пенсилванија, во предградието Питсбург, во долниот дом на таа сојузна држава. На актуелните меѓуизбори во САД, тој е избран со 86 отсто гласови по пребројување на 98 отсто од гласачките ливчиња.
По таквата одлука на гласачите, изборите ќе мора да се повторат.
„Ожалостени сме од загубата на застапникот Тони ДеЛука, но и горди поради тоа што бирачите ја покажаа својата доверба во него и посветеност на демократските вредности со негова постхумен реизбор“, твитна членството на Демократската партија во Пенсилванија.
