Денот на сесловенските просветители, светите браќа Кирил и Методиј, 24 Мај беше одбележан во општина Пустец. Одбележувањето беше со традиционален собир, кој овој пат се одржа во селото Глобочани,родното место на Стерјо Спасе,кој се вбројува меѓу најзначајните претставници на современата албанска литература, кој е еден од најуспешните писатели од македонско потекло. На собирот присуствуваа професори и ученици од училиштето од Пустец и од училиштето од Долна Горица.
Заедно со нив беше и градоначалникот на општина Пустец, Едмонд Темелко, кој зборуваше за потребата од негувањето на македонскиот литературен јазик. Дел од професорите зборуваа за животот и делото на сесловенските просветители по што на учениците им беа подарени книги од оставнината на Ѓорѓи Стојчевски, информираа од општина Пустец. Темелко упати благодарност до фамилијата Стојчевски, вети продолжуваме на напорите за збогатување на библиотечниот фонд во училиштата каде се изучува македонски јазик во Албанија, сосочувајќи дека „децата, нашата иднина го заслужуваат тоа“. Во сите училишта во општина Пустец одржани се часови посветени на животот и делото на светите браќа Кирил и Методиј.
Извор Илинден Тирана
