Нема веќе употреба на мобилни телефони во скопската општина Ѓорче Петров.
Дали се согласуваат наставниците со одлуката на Наумовски не знаеме но јасно е дека градоначалникот издал таква наредба, и доколку некој не ја почитува ќе се соочи со дисциплинска мерка.
Како што соопшти самиот Наумовски целта на оваа одлука е непречено да се одвива наставниот процес а мерката ќе почне да важи во второто полугодие.
Наумовски информираше дека наставниците за потребите на наставата нема да бидат спречени да користат друга информациско-комуникациска технологија.
Од друга страна пак мобилните на учениците ќе бидат исклучени и ставени на одредено место за време на часовите, што значи дека ќе можат да ги носат во школо, но не и да ги употребуваат за време на наставата.
