Расел Кроу сними специјално видео за да ја покаже својата опрема за противпожарна заштита. Австралискиот актер, чиј дом беше запален од шумски пожар во Австралија, доброволно учествува во справувањето со огнените стихии.
Снимките што тој ги објавува на социјалните медиуми покажуваат како, покрај опремата потребна за противпожарна борба, во противпожарниот камион, се наоѓа и награда „Златен глобус“.
Наградите беа доделени на церемонијата во неделата вечер, а Кроу ја доби наградата за неговиот убедлив настап во улогата на креаторот на „Фокс њуз“, Роџер Ајл во актерската екипа на „The Loudest Voice“.
При предавањето на статуетката, актерката Џенифер Анистон прочита специјално обраќање во негово име.
„Не правете грешка. Трагедијата што се случува во Австралија се должи на климатските промени. Нашите активности мора да бидат базирани на наука, ние мора да преминеме на обновливи енергии и да ја почитуваме нашата планета“, повика Расел Кроу.
